|
Ҷилди II: ФИРИСТОДАНИ КОВУС РУСТАМРО БА СИСТОН
Ба Туси сипаҳбад супорад сипоҳ,
Худу вижагон боз гардад зи роҳ.
Бубинад зи ман, ҳар чӣ андарх(в)ар аст,
Ки ӯро чунин доварӣ дар сар аст.
Нахонам туро з-ин сипас низ ёр
Нахоҳам, ки моро кунӣ корзор.»
Ғамӣ гашт Рустам, ба овоз гуфт,
Ки «Гардун сари ман биёрад нуҳуфт.
Агар Тус ҷангитар аз Рустам аст,
Чунон дон, ки Рустам ба гетӣ кам аст.»
Бигуфт ину берун шуд аз пеши ӯй,
Пур аз хашм ҷону пурожанг рӯй.
Або лашкари хеш баргашту рафт,
Сӯи Систон рӯй бинҳод тафт.
1 2 >>> |