|
Ҷилди II: ПОСУХИ НОМАИ СИЁВУШ АЗ КОВУС
Ҳаюне биёрост Ковусшоҳ
Бифармуд, то боз гардад зи роҳ.
Нависандаи номаро пеш хонд,
Бари тахти хешаш ба курсӣ нишонд.
Яке нома фармуд пурхашму ҷанг,
Паёме ба кирдори тири хаданг.
Нахуст офарин кард бар кирдгор,
Худованди оромишу корзор.
Худованди Баҳрому Кайвону Моҳ,
Худованди неку баду фарру гоҳ.
Ба фармони ӯяст гардонсипеҳр,
В-аз ӯ боз густарда ҳар ҷой меҳр.
Туро, эй ҷавон, тандурустиву бахт,
Ҳамеша бимонод бо тоҷу тахт!
Агар бар дилат рои ман тира гашт, 1 2 3 4 5 6 >>> |