|
Ҷилди II: ПОСУХИ НОМАИ СИЁВУШ АЗ КОВУС
Аз ин оштӣ рои чархи баланд
Чунон аст, к-ояд ба ҷонат газанд.
Ба Эрон расад з-ин бадӣ огаҳӣ,
Барошӯбад ин рӯзгори беҳӣ.
Ту шав, кину омехтанро бисоз,
Аз ин дар суханҳо магардон дароз
Чу ту сози ҷангу шабехун кунӣ,
Зи хоки сияҳ рӯди Ҷайҳун кунӣ,
Сипаҳбад сар андарнаёрад ба хоб,
Биёяд ба ҷанги ту Афросиёб.
Агар меҳр дорӣ бад-он анҷуман,
Нахоҳӣ, ки хонанд-т паймоншикан,
Сипаҳ Тусро деҳ, ту худ бозгард,
Наӣ марди пархошу нангу набард. 1 2 3 4 5 6 >>> |