|
Ҷилди II: РАФТАНИ ЗАНГА ПЕШИ АФРОСИЁБ
Бишуд Занга бо номвар сад савор,
Гаравгон бибурд аз дари шаҳрёр.
Бибурдаш ҳама хоста, ҳар чӣ буд,
Ки аз пеш Гарсеваз оварда буд.
Чу дар шаҳр солори туркон расид,
Хурӯш омаду дидбонаш бидид.
Пазира шудаш номдори бузург,
Куҷо номи ӯ буд ҷангӣ Тувург.
Чу шуд Зангаи Шоварон назди шоҳ,
Сипаҳдор бархост аз пешгоҳ.
Гирифташ ба бар тангу бинвохташ,
Гиромӣ бари хеш биншохташ.
Чу биншаст бо шоҳ, нома бидод,
Саросар суханҳо бар ӯ кард ёд,
1 2 3 4 5 6 7 >>> |