|
Ҷилди II: НОМАИ АФРОСИЁБ БА СИЁВУШ
Пазируфтам аз покяздон, ки ман
Бикӯшам ба хубӣ ба ҷону ба тан.
Нафармояму худ наёзам ба бад,
Ба андешае дил насозам ба бад.
Чу нома ба мӯҳр андаровард шоҳ,
Бифармуд, то Зангаи некхоҳ
Ба зудӣ ба рафтан бубандад камар,
Басе хилъат орост бо симу зар.
Яке аспи зарринситоми гарон,
Биёмад дамон Зангаи Шоварон.
Чу наздики тахти Сиёвуш расид,
Бигуфт, он чӣ гуфтанду диду шунид.
Сиёвуш ба як рӯй аз он шод гашт,
Ба як рӯй пурдарду фарёд гашт,
Ки душман ҳаме дӯст боист кард 1 2 3 4 5 >>> |