|
Ҷилди III: БОЗ ОМАДАНИ ГАРСЕВАЗ БА НАЗДИ СИЁВУШ
Ҳаме хира бар бад шитоб оварӣ,
Ҳаме бахти хандон ба хоб оварӣ.
Ҳамоно туро ман басам поймард,
Бар оташ магар барзанам оби сард.
Яке посухи нома бояд навишт,
Падидор кардан ҳама хубу зишт,
Зи кин ар бубинам сари ӯ тиҳӣ,
Дурахшон шавад рӯзгори беҳӣ.
Саворе фиристам ба наздики ту,
Дурахшон кунам рои торики ту.
Умед астам аз кирдгори ҷаҳон,
Шиносандаи ошкору ниҳон,
Ки ӯ боз гардад сӯи ростӣ,
Шавад дур аз кажживу костӣ.
1 2 3 4 5 6 7 8 9 10 11 12 13 14 15 16 >>> |
