|
Ҷилди III: ГИРИФТОР ШУДАНИ СИЁВУШ
Чунин гуфт Гарсевази камхирад,
Зи ту ин суханҳо кай андар хурад.
Гар эдар чунин бегуноҳ омадӣ,
Чаро бо зиреҳ назди шоҳ омадӣ?
Пазира шудан з-ин нишон роҳ нест,
Камону зиреҳ ҳадяи шоҳ нест.
Сиёвуш чу бишнид гуфтори ӯй,
Бад-ӯ гуфт, к-«Эй нокаси зиштхӯй,
Ба гуфтори ту хира гаштам зи роҳ,
Ту гуфтӣ, ки озурда гаштаст шоҳ.
Ҳазорон сари мардуми бегуноҳ
Бад-ин гуфти ту гашт хоҳад табоҳ.
Ту з-ин карда фарҷом кайфар барӣ,
Зи тухме куҷо киштаӣ, бидравӣ».
1 2 3 4 5 6 7 8 9 10 11 12 13 14 15 >>> |
