|
Ҷилди III: ГУРЕХТАНИ АФРОСИЁБ АЗ РУСТАМ
Бидонист, к-он пилтан Рустам аст,
Сарафроз в-аз тухмаи Найрам аст.
Барошуфт бар сони ҷанг? паланг,
Бияфшурд рон, пеши ӯ шуд ба ҷанг.
Чу Рустам дурафши сияҳро бидид,
Ба кирдори шери жиён бардамид.
Ба ҷӯш омад он номбардор гурд,
Инонро ба Рахши таковар супурд.
Баровехт бо саркаш Афросиёб,
Зи пайкон-ш хун рафт чун ҷӯи об.
Хаданге, ки солори туронсипоҳ
Бизад бар бари Рустами кинахоҳ,
Синон андаромад ба чарми камар,
Ба бабри баён-бар набуд коргар. 1 2 3 4 5 6 >>> |