|
Ҷилди III: ГИРИФТАНИ КАЙХУСРАВ БЕҲЗОДРО
Ҳаме дошт бар обхур пои хеш,
Аз он ҷо, ки буд, пой нанҳод пеш.
Чу Кайхусрав ӯро ба ором ёфт,
Бипӯиду бо зин сӯи ӯ битофт.
Ҳаме буд барҷой шабрангзод,
Зи ду чашми ӯ чашмаҳо баркушод.
Сипаҳдор бо Гев гирён шуданд,
Чу бар оташи тез бирён шуданд.
Кушоданд аз дидагон ҳар ду об,
Забон пур зи нафрини Афросиёб.
Бимолид дасташ абар чашму рӯй,
Бару ёл бибсуду бишхуд мӯй.
Лагомаш ба сар карду зин барниҳод,
Ҳаме аз падар кард бо дард ёд. 1 2 3 4 5 6 7 >>> |