|
Ҷилди III: ОМАДАНИ ПИРОН АЗ ПАИ КАЙХУСРАВ
Чунин то биёмад яке жарфрӯд,
Сипаҳ шуд пароканда бе тору пуд.
Бунаш жарфу паҳнош кӯтоҳ буд,
Бад-он рафтани мард гумроҳ буд.
Буд он обро ном Гулзарриюн,
Буд? дар баҳорон чу дарёи хун.
Ба дигар карон хуфта буд Геву шоҳ,
Нишаста Фарангис бар дидагоҳ.
Фарангис аз он ҷойгаҳ бингарид,
Дурафши сипаҳдори Турон бидид.
Давон шуд бари Геву огоҳ кард,
Бад-он хуфтагон хоб кӯтоҳ кард.
Бад-ӯ гуфт, к-«Эй марди боранҷ, хез,
Ки омад туро рӯзгори гурез.
1 2 3 4 5 >>> |