|
Ҷилди III: РАФТАНИ КАЙХУСРАВ БА ДИЖИ БАҲМАН
ВА ГИРИФТАН ОНРО
Яке шаҳр дид андар он диж фарох,
Пур аз боғу майдону айвону кох.
Дар он ҷо, ки он равшан? бардамид,
Шуд он тираг? сар ба сар нопадид.
Бифармуд Хусрав бад-он ҷойгоҳ
Яке гунбаде то ба абри сиёҳ,
Дарозову паҳнои он даҳ каманд,
Ба гирд-андараш то?ҳои баланд,
Зи берун чу ним аз таги тозиасп
Бароварду бинҳод озаргушасп,
Нишастанд гирд-андараш мӯбадон,
Ситорашиносону ҳам бихрадон.
Дар он шорсон кард чандон диранг,
Ки оташкада гашт бо бӯю ранг. 1 2 3 4 5 6 7 8 >>> |