|
Ҷилди III: ГАН?ҲО БАХШИДАНИ ХУСРАВ ПАҲЛАВОНОНРО
Ба ҷое, ки буданд аспон яла,
Ба лашкаргаҳ овард чӯпон гала.
Бифармуд, к-он, к-ӯ камандафкан аст,
Ба ҷанг-андарун гурди рӯинтан аст,
Абар тозиаспон каманд афкананд,
Сари бодпоён ба банд афкананд.
Аз он пас ҷаҳондори пирӯзгар
Або гурз биншаст бар тахти зар.
Дари ганҷи динор букшоду гуфт,
Ки ганҷи бузургон нашояд нуҳуфт.
Гаҳи кӯшишу кинаи корзор
Шавад ганҷу динор бар чашм хор.
Ба мардон ҳама ганҷу тахт оварем,
Ба хуршед бори дарахт оварем.
1 2 3 4 5 6 7 8 9 10 11 >>> |