|
Ҷилди III: БОЗГАШТАНИ БАҲРОМ БА ?УСТАНИ
ТОЗИЁНА БА РАЗМГОҲ
Бар ӯ зор бигрист Баҳроми шер,
Ки зор, эй савору ҷавони далер.
Чи ту кушта акнун, чи як мушти хок,
Бузургон ба айвон, ту андар мағок.
Ба гирди бародар якояк бигашт,
Ки буданд афканда бар паҳндашт.
Аз он номдорон яке хаста буд,
Ба шамшер аз эшон ба ҷон раста буд.
Ҳаме боздонист Баҳромро,
Бинолиду пурсид аз ӯ номро.
Бад-ӯ гуфт, к-«Эй шер, ман зиндаам,
Бари куштагон-андар афкандаам.
Ду рӯз аст, то нону об орзуст,
Маро бар яке ҷома хоб орзуст».
1 2 3 4 5 6 7 8 9 >>> |
