|
Ҷилди VI: ФИРИСТОДАНИ АФРОСИЁБ ХОҚОН ВА
КОМУСРО БА ЁРИИ ПИРОН
Ба Ҳумон чунин гуфт Пирон, ки «Ман
Пазира шавам пеши он анҷуман,
Ки эшон зи роҳи дароз омаданд,
Пурандешаву размсоз омаданд.
Надоранд сар кам зи Афросиёб,
Ки бо ганҷу тахтанду бо ҷоҳу об.
Шавам, то бубинам, ки чанду чиянд,
Сипаҳбад кадоманду гурдон киянд.
Кунам офарин пеши хоқони Чин,
Ҳамон пеши тахташ бибӯсам замин.
Бубинам сарафроз Комусро,
Баробар кунам Шангулу Тусро.
Чу боз оям эдар, бубандам миён,
Барорам даму дуд аз эрониён.
1 2 3 4 5 6 7 >>> |
