|
Ҷилди VI: ХОР КАРДАНИ ХУСРАВ ТУСРО
На дар сар-ш мағзу на дар тан-ш раг,
Чи Туси фурӯмоя пешам, чи саг».
Зи кини бародар, зи хуни падар
Ҳаме буд печону хастаҷигар.
Сипаҳро ҳаме хор карду биронд,
Зи мижгон ҳаме хуни дил барфишонд.
Дари бор додан ба эшон бубаст,
Равонаш зи дарди бародар бихаст.
Далерони Эрон ба мотам шуданд,
Пур аз ғам ба даргоҳи Рустам шуданд.
Ба пӯзиш, ки ин эзадӣ кор буд,
Киро буд оҳанги ҷанги Фуруд?
Бад-он гаҳ куҷо кушта шуд пури Тус,
Сари саркашон тира шуд аз фусӯс.
1 2 3 4 5 6 >>> |
