|
Ҷилди VI: ОГОҲӢ ЁФТАНИ ГУДАРЗ АЗ ОМАДАНИ РУСТАМ
Шавам, пур кунам чашму оғӯшро,
Бигирам ба бар Геву Шедӯшро,
Ҳамон Бежани Геву Руҳҳомро,
Саворони ҷангии худкомро.
Ба падруд кардан рухи ҳар касе
Бибӯсам, зи мижгон биборам басе».
Ниҳоданд зин бар саманди чамон,
Хурӯш омад аз дида ҳам дар замон,
Ки «Эй паҳлавони ҷаҳон, шод бош,
Зи дарду зи тимор озод бош!
Ки аз роҳи Эрон яке тира гард
Баромад, к-аз ӯ рӯз шуд лоҷвард.
Фаровон дурафш аз миёни сипоҳ
Баромад ба кирдори тобанда моҳ
1 2 3 4 5 6 7 8 9 10 11 12 >>> |