|
Ҷилди VI: РАФТАНИ ХОҚОНИ ЧИН БА ДИДАНИ
ЛАШКАРИ ЭРОН
Ҳаво шуд зи бас парниёнӣ дурафш,
Чу бозори Чин зарду сурху бунафш.
Сипоҳӣ бирафт андар он дашти разм,
К-аз эшон ҳаме орзу хост базм,
Замин шуд ба кирдори чашми хурӯс,
Зи бас рангу ороишу ною кӯс.
Бирафтанд шоҳону лашкар зи ҷой,
Ҳаво пур шуд аз нолаи каррной.
Синонҳо дурахшону ҷӯшон сипоҳ,
Шуда рӯи ҳомун зи лашкар сиёҳ.
Чу аз дур Туси сипаҳбад бидид,
Сипаҳ он чӣ будаш рада, баркашид.
Бубастанд гурдони Эрон миён,
Биёвард Гев ахтари ковиён,
1 2 3 4 5 6 7 8 >>> |
