|
Ҷилди VI: ЛАШКАР ОРОСТАНИ ТУРОНИЁН ВА
ЭРОНИЁН
Чу хоқон биёмад ба қалби сипоҳ,
Ба чарх-андарун моҳ гум кард роҳ.
Зи Комус чун кӯҳ шуд маймана,
Кашиданд бар сӯи ҳомун буна.
Сӯи майсара низ Пирон бирафт,
Бародар-ш Ҳумону Гулбод тафт.
Чу Рустам бидид он, ки хоқон чӣ кард,
Биёрост лашкар ба дашти набард.
Бифармуд, то Тус барбаст кӯс,
Биёрост лашкар чу чашми хурӯс.
Чунин гуфт Рустам, ки «Гардонсипеҳр
Бубинем, то бар кӣ гардад ба меҳр.
Чӣ гуна бувад гардиши осмон,
Киро з-ин бузургон сар ояд замон. 1 2 3 4 5 6 7 8 9 10 11 12 13 14 >>> |