|
Ҷилди VI: ОМАДАНИ АФРОСИЁБ БА ДИДОРИ АСПОНИ ХЕШ
ВА КУШТАНИ РУСТАМ АКВОНДЕВРО
Ҳар он, к-ӯ гузашт аз раҳи мардумӣ,
Зи девон шумар, машмараш з-одамӣ.
Хирад, к-ӯ бад-ин гуфтаҳо награвад,
Магар нек маъниш менашнавад.
Гар он паҳлавоне бувад зӯрманд,
Ба бозу ситабру ба боло баланд,
Гавон хону Аквондеваш махон,
Абар паҳлавонӣ бигардон забон.
Чӣ гӯӣ ту, эй хоҷаи солх(в)ард,
Чашида зи гетӣ басе гарму сард.
Кӣ донад, ки чандин нишебу фароз
Ба пеш орад ин рӯзгори дароз.
Таги рӯзгор аз дарозӣ, ки ҳаст,
Ҳаме бугзаронад суханҳо зи даст.
1 2 3 4 5 6 >>> |
