|
Ҷилди VI: БОЗГАШТАНИ РУСТАМ БА ЭРОНЗАМИН
Бар он, к-ӯ чунин паҳлавон офарид,
Касе ин шигифтӣ ба гетӣ надид,
Ки мардум бувад худ ба кирдори ӯй,
Ба мардиву болову дидори ӯй.
Ҳаме гуфт: «Агар кирдгори сипеҳр
Надодӣ маро баҳра аз доду меҳр.
Набудӣ ба гетӣ чунин кеҳтарам,
Ки ҳазмон бад-ӯ пилу дев ишкарам».
Ду ҳафта бар он гуна буданд шод,
Зи бигмоз в-аз базм карданд ёд.
Се дигар Таҳамтан чунин кард рой,
Ки пирӯзу шодон равад боз ҷой.
«Маро бӯяи Золи Сом аст, - гуфт, -
Чунин орзуро нашояд нуҳуфт.
1 2 3 4 5 6 7 >>> |
