|
Ҷилди VI: ДОДХОҲИИ ИРМОНИЁН АЗ ХУСРАВ
Чунин гуфт, к-«Эй боби пирӯзгар,
Ту бар ман ба сустӣ гумоне мабар.
Ту ин гуфтаҳо аз ман андарпазир,
Ҷавонам ба кирдору дар рой пир.
Сари хукро бугсилонам зи тан,
Манам Бежани Геви лашкаршикан».
Чу Бежан чунин гуфт, шуд шоҳ шод,
Бад-ӯ офарин карду фармон-ш дод.
Бад-ӯ гуфт Хусрав, ки «Эй пурҳунар,
Ҳамеша туӣ пеши ҳар бад сипар.
Касеро куҷо чун ту кеҳтар бувад,
Зи душман битарсад, сабуксар бувад».
Ба Гургини Милод гуфт он гаҳе,
Ки «Бежан ба Ирмон надонад раҳе.
1 2 3 4 5 6 7 8 9 10 >>> |
