|
Ҷилди VI: БУРДАНИ МАНИЖА БЕЖАНРО БА
КОХИ ХУД
Бидонисту тарсон шуд аз ҷони хеш,
Шитобид наздики дармони хеш.
Ҷуз огоҳ кардан надид эч рой,
Давон аз паси парда бардошт пой.
Биёмад бари шоҳи Турон, бигуфт,
Ки духтар-т аз Эрон гузидаст ҷуфт».
Ҷаҳонҷӯй кард аз ҷаҳондор ёд,
Ту гуфтӣ, ки бед аст ҳангоми бод.
Ба даст аз мижа хуни мижгон бируфт,
Барошуфту ин достон бозгуфт:
«Киро аз паси парда духтар бувад,
Агар тоҷ дорад, бадахтар бувад».
Зи кори Манижа ба хира бимонд,
Қарохони солорро пеш хонд. 1 2 3 4 5 6 >>> |