|
Ҷилди VI: ҶОНИ БЕЖАН ХОСТАНИ ПИРОН АЗ АФРОСИЁБ
Чу барзад бар он оташи тез об,
Чунин посухаш дод Афросиёб,
Ки «Бежан надонӣ, ки бо мо чӣ кард,
Ба Эрону Турон шудам рӯйзард.
Набинӣ, к-аз ин беҳунар духтарам,
Чӣ расвоӣ омад ба пиронсарам?
Ҳама номи пӯшидарӯёни ман
Зи парда бигустард бар анҷуман,
К-аз ин нанг то ҷовидон бар дарам
Бихандад ҳама кишвару лашкарам.
Гар ӯ ёбад аз ман раҳоӣ ба ҷон,
Зи ҳар сӯ кушоянд бар ман забон.
Ба расвоӣ - андар бимонему дард,
Биполоям аз дидагон оби зард».
1 2 3 4 5 6 7 8 9 >>> |
