|
Ҷилди VI: НОМА НАВИШТАНИ ХУСРАВ БА РУСТАМ
Сазад, гар ту онро надорӣ ба ранҷ,
Бихоҳ, он чи бояд зи мардону ганҷ,
Ки ҳаргиз бад-ин дудмон ғам набуд,
Фурӯзандатар з-ин ҷаҳон кам шунуд.
Набуд Гевро худ ҷуз ӯ пур кас,
Ки фарзанд будаш чу фарёдрас.
Фаровон ба назди манаш дастгоҳ,
Марову ниёи маро некхоҳ.
Ба ҳар сӯ, ки ҷӯям-ш, ёбам ба ҷой,
Ба ҳар неку бад пеши ман буд ба пой.
Чу ин номаи ман бихонӣ, мапой,
Сабук бошу бо Гев хез, эдар ой.
Бад-он, то бад-ин кор бо мо ба ҳам
Занӣ рои фаррух ба ҳар бешу кам. 1 2 3 4 >>> |