|
Ҷилди VI: ОРОСТАНИ РУСТАМ ЛАШКАРИ ХЕШ
Зи Рустам бипурсид пас шаҳрёр,
Ки «Чун ронд хоҳӣ бад-ин кина кор?
Чӣ хоҳӣ зи ганҷу зи лашкар, бихоҳ,
Кӣ бояд, ки бо ту биёяд ба роҳ?
Битарсам зи бадгавҳар Афросиёб,
Ки бар хуни Бежан бигирад шитоб,
Ки ӯ бодсор асту деви нажанд-
Бад-ӯ дода афсуну найрангу банд.
Биҷунбонадаш як замон дил зи ҷой,
Бигардонад он теғзанро зи пой».
Чунин гуфт Рустам ба шоҳи ҷаҳон,
Ки «Бипсечам ин кор андар ниҳон.
Калиди чунин банд бояд фиреб,
Набояд бар ин кор кардан ниҳеб.
1 2 3 >>> |
