|
Ҷилди VI: ОРОСТАНИ РУСТАМ ЛАШКАРИ ХЕШ
Сари бадра бикшуд ганҷури шоҳ,
Ба динору гавҳар биёрост гоҳ.
Таҳамтан биёмад, ҳама бингарид,
Ҳар он ч-аш бибоист, аз он баргузид.
Аз он даҳ шутур бор динор кард,
Сад уштур зи рахту буна бор кард.
Бифармуд Рустам ба солори бор,
Ки «Бугзин зи лашкар саворон ҳазор.
Зи шерони гарданкаши номвар,
Бибояд тане чанд баста камар.
Чу Гургину чун Зангаи Шоварон,
Дигар Густаҳам теғи ҷанговарон,
Чаҳорум Гуроза, ки ронад сипоҳ,
Нигаҳбони гурдону тахту кулоҳ,
Чу Руҳҳому Фарҳод гурди далер, 1 2 3 >>> |