|
Ҷилди VI: ОМАДАНИ АФРОСИЁБ БА ҶАНГИ РУСТАМ
Таҳамтан ҳаме гашт гирди сипоҳ,
Аз оҳан ба кирдори кӯҳи сиёҳ.
Фиғон кард, к-«Эй турки шӯридабахт,
Ки нанги ту бар кишвару тоҷу тахт.
Туро чун саворон дили ҷанг нест,
Зи гурдони лашкар туро нанг нест,
Ки чандин ба пеши ман оӣ ба кин,
Ба мардону аспон бипӯшӣ замин.
Чу дар ҷанг лашкар шавад тезчанг,
Ҳама пушт бинам туро сӯи ҷанг.
Зи Дастон ту нашнидӣ ин достон,
Ки баргӯяд аз гуфтаи бостон,
Ки «Шере натарсад зи як дашт гӯр,
Натобад фаровон ситора чу ҳур.
1 2 3 4 5 6 >>> |
