|
Ҷилди V: Посух додани Кайхусрав ва пӯзиш
кардани Зол
Хурӯшон шуд он гоҳу бар пой ҷаст,
Чунин гуфт, к-«Эй шоҳи яздонпараст,
Зи ман буд тезиву нобихрадӣ,
Туӣ поку фарзонаи эзадӣ.
Сазад, гар бубахшӣ гуноҳи маро,
Агар дев гум кард роҳи маро.
Маро солиён шуд фузун аз шумор,
Камар бастаам пеши ҳар шаҳрёр.
Зи шоҳон надидам, к-аз ин гуна роҳ
Биҷустӣ зи дидори хуршеду моҳ.
Кунун гашт Кайхусрав омӯзгор,
К-аз ӯ дур бодо бади рӯзгор!
Нахоҳам, ки бошам зи Хусрав ҷудо,
Хирад бод бар тира ҷонам гуво.
1 2 3 4 5 6 7 >>> |
