|
Ҷилди V: Рафтани Густаҳм аз паси Лаҳҳок
ва Фаршедвард
Хабар шуд ба Бежан, ки Густаҳм рафт
Ба оварди Фаршеду Лаҳҳок тафт,
Гумоне чунон бурд Бежан, ки ӯй
Чу танг андарояд ба дашти Дагӯй,
Набояд, ки Лаҳҳоку Фаршедвард
Бароранд аз ӯ гард рӯзи набард.
Ба назди ниё шуд чу шери дижам,
Дилаш пур зи дард аз ғами Густаҳам.
Чу чашмаш ба рӯи ниё барфитод,
Хурӯшиду чанде сухан кард ёд.
«На хуб ояд, эй паҳлавон аз хирад,
Ки ҳар номдоре ки фармон барад,
Мар ӯро ба хира ба куштан диҳӣ,
Баҳона ба чархи равон барниҳӣ. 1 2 3 4 5 6 >>> |