|
Ҷилди V: РАФТАНИ ГЕВ БА ВИСАГИРД БА
НАЗДИКИ ПИРОН
Бародар, ки равшанравони ман аст,
Гузида писар паҳлавони ман аст,
Ҳамегӯӣ аз хештан дур кун,
Зи бихрад чунин хом бошад сухун.
Маро марг беҳтар аз ин зиндагӣ,
Ки солор бошам, кунам бандагӣ.
Яке достон зад бар ин бар паланг,
Чу бо шери ҷангӣ баромад ба ҷанг.
Ба ном ар бирезӣ маро, гуфт, хун,
Беҳ аз зиндагонӣ ба нанг-андарун.
Ва дигар, ки пайғоми шоҳ омадаст,
Ба фармони ҷангам сипоҳ омадаст”.
Чу посух чунин ёфт, баргашт Гев,
Або номдорону гурдони нев.
1 2 3 4 5 6 >>> |
