|
Ҷилди V: Гузаштани Кайхусрав ба Ҷайҳун
Хабар шуд ба туркон, ки омад сипоҳ
Ҷаҳонҷӯй Кайхусрави кинахоҳ.
Ҳама сӯи дижҳо ниҳоданд рӯй,
Ҷаҳон шуд пур аз ҷунбишу гуфтугӯй.
Ба лашкар чунин гуфт пас шаҳрёр,
Ки «Имрӯз чун шуд дигаргуна кор,*
Зи туркон ҳар он кас, ки фармон кунанд,
Дил аз ҷангҷустан пушаймон кунанд.
Масозед ҷангу марезед хун,
Мабошед касро ба бад раҳнамун.
В-агар ҷанг ҷӯяд касе бо сипоҳ,
Дили кинадораш наёяд ба роҳ.
Шуморо ҳалол аст хун рехтан,
Ба ҳар ҷой тороҷу овехтан.
1 2 3 4 5 6 7 >>> |
