|
Ҷилди V: Паноҳ гирифтани Афросиёб
дар Гангбиҳишт
Ҳаме рафт, чун пеши Рустам расид,
Гави шердилро миёнбаста дид.
Сипаҳ гурзҳо барниҳода ба дӯш,
Якояк ниҳоданд б-овоз гӯш.
Ба Рустам бигуфт, ончӣ пайғом буд,
Ки фарҷоми пайғомаш ором буд.
В-аз ин рӯй Кайхусрави кинаҷӯй
Нишаста ба ором бегуфтугӯй.
Ҳама бахш кард, ончӣ буд бар сипоҳ,
Саропардаву хайма, тахту кулоҳ.
Аз эрониён куштагонро биҷуст,
Кафан кард в-аз хуну гилшон бишуст.
Ба расми меҳон куштаро дахма кард,
Чу бардошт аз хоку хуни набард.
1 2 3 4 5 6 7 8 9 10 >>> |
