|
Ҷилди V: Номаи Афросиёб наздики Фағфури Чин
Зи пӯлод бар ҳар сӯе панҷа кард.
Бубастанд бар найзаҳои дароз,
Ки ҳар кас, ки рафтӣ бари диж фароз,
Бад-он ҷанги тез андаровехтӣ,
В-агарна зи диж зуд бугрехтӣ.
Ба ҳар кор бо ҳар касе дод кард,
Сипаҳро дирам доду обод кард.
Ҳамон хӯду шамшеру баргустувон,
Сипарҳои чиниву тиру камон,
Бубахшид бар лашкараш бешумор,
Бавижа бад-он, к-ӯ кунад корзор.
Чу осуда шуд з-он, ба шодӣ нишаст,
Худу номдорони хусравпараст.
Паричеҳра ҳар рӯз сад чангзан
1 2 3 >>> |
