|
Ҷилди V: Омадани Кайхусрав ба пеши Гангдиж
Заминро ҳаме дил баромад зи ҷой
Зи бас нолаи кӯсу шайпуру ной.
Чу хуршед бардошт аз чарх занг,
Бидаррид пероҳани мишкранг.
Нишаст аз бари аспи шабранг шоҳ
Биёмад, бигардид гирди сипоҳ.
Чунин гуфт бо Рустами пилтан,
Ки «Эй номвар меҳтари анҷуман,
Чунин дорам уммед, к-Афросиёб
Набинад ҷаҳон низ ҳаргиз ба хоб.
Агар кушта, гар зинда ояд ба даст,
Бубинад сари теғи яздонпарст.
Бар онам, ки ӯро зи ҳар сӯ сипоҳ
Биёяд, ки ҳасташ чунин дастгоҳ.
1 2 3 4 5 6 >>> |
