|
Ҷилди V: Огоҳӣ ёфтани Кайхусрав аз омадани
Афросиёб бо лашкари фағфур
Сипаҳро баророст з-он гуна шоҳ,
Ки разм орзу кард хуршеду моҳ.
Чу Афросиёб он сипаҳро бидид,
Биёмад, баробар сафе баркашид.
Ба фарзонагон гуфт, к-«Ин дашти разм
Ба дил бар маро ҳамчу хоб асту базм.
Маро шод бар гоҳ хоб омадӣ,
Чу размам набудӣ, шитоб омадӣ,
Кунун монда гаштам чунин дар гурез
Саре пур зи кина, диле пурситез.
Надонам, ки ин фарри Кайхусрав аст,
Ва ё бар сарам рӯзгори нав аст.
Бар онам, ки бо ӯ шавам ҳамнабард
Агар коми дил ёбам, ар маргу дард». 1 2 3 4 5 6 >>> |