|
Ҷилди V: Ҷанги эрониён бо турониён
Зи Рустам чу бишнид Хусрав сухан,
Писандид гуфтори пири куҳан.
Ба гӯянда гуфт: «Ин бадандеш мард
Чунин бо ман овехт андар набард.
Фузун кард аз ин бо Сиёвуш вафо,
Забон пурфусун дошт, дил пурҷафо,
Бирав з-эдар, он бадкунишро бигӯй,
К-аз ин пас бар ин раҳ, ки гуфтӣ, мапӯй.
Сипаҳбад ба кажжӣ нагирад фурӯғ,
Равон хира пуртобу дил пурдурӯғ.
Гар эдун, ки роят набард асту бас,
Ҷуз аз ман набарди туро ҳаст кас.
Таҳамтан ба ҷой асту Геви далер,
Ки пайкор ҷӯянд бо наррашер.
1 2 3 4 >>> |