|
Ҷилди V: Ҷанги эрониён бо турониён
Бифармуд, к-оташ* масӯзед кас,
Набояд, ки ояд хурӯши ҷарас.
Зи лашкар саворон, ки буданд гурд,
Гузин карду Хусрав ба Рустам супурд.
Дигар баҳра бугзид аз эрониён,
Ки банданд мар тохтанро миён.
Ба Туси сипаҳбад супурд он гурӯҳ,
Бифармуд, то рафт бар сӯи кӯҳ.
Таҳамтан сипаҳро ба ҳомун кашид,
Сипаҳбад сӯи кӯҳ берун кашид.
Бифармуд, то зуд берун шаванд,
Чапу рост ҳарду ба ҳомун шаванд.
Талоя надоранду шамъу чароғ,
Яке сӯи дашту яке сӯи роғ.
1 2 3 4 >>> |
