|
Ҷилди V: Расул фиристодани хоқони Чин
назди Кайхусрав
Фиристодаи некдилро бихонд,
Суханҳои шоиста бо ӯ биронд.
Зи боистанӣ ҳар чи дар ганҷ * буд,
Зи динору аз гавҳари нобисуд,
Ба пӯзиш фиристод наздики шоҳ,
Фиристодагон баргирифтанд роҳ.
Бузургони Чин бедиранг омаданд,
Ба як ҳафта аз Чин ба Ганг омаданд.
Ҷаҳондори пирӯз бинвохтшон,
Чунон чун бибоист, биншохтшон.
Пазируфт чизе, ки оварда буд,
Зароиф буду бадраву барда буд.
Фиристодаро гуфт, к ӯро бигӯй,
Ки хира бари мо мабар обрӯй.
1 2 >>> |
