|
Ҷилди V: Баргаштани Афросиёб аз
оби Зиреҳ
Чу бишнид Афросиёб ин сухан,
Пушаймон шуд аз кардаҳои куҳан.
Ба бероҳ роҳи биёбон гирифт,
Бияфканд номи меҳӣ, ҷон гирифт.
Чу бо дарду бо ранҷу ғам дид рӯз,
Биёмад дамон то ба кӯҳ Испирӯз.
Зи бадхоҳ рӯзу шаб ожир буд,
Ба ҳар ҷой хӯрдан-ш нахчир буд.
Биёмад чунин то ба оби Зиреҳ,
Миён суда аз ранҷу банду гиреҳ.
Чу наздики он жарфдарё расид,
Мар ӯро миёну карона надид.
Бифармуд, то марди киштишумор
Бисозад ба киштӣ зи дарё гузор.
1 2 3 4 5 6 >>> |