|
Ҷилди V: Ноумед гаштани Кайхусрав
аз ҷаҳон
Шунидему дидем рози ҷаҳон,
Баду некро ошкору ниҳон.
Кашоварз бошад в-агар тоҷвар,
Саранҷом бар марг бошад гузар.
Ба солори навбат бифармуд шоҳ,
Ки ҳар кас ки ояд бад-ин боргоҳ,
Сабук бозгардон ба некӯ сухун,
Ҳама мардумӣ ҷӯю тундӣ макун.
Чу ин гуфта шуд, сӯи боғ он замон*
Хурӯшон биёмад кушода миён.
Зи баҳри парастиш сару тан бишуст,
Ба шамъи хирад роҳи Яздон биҷуст,
Бипӯшид пас ҷомаи нав сапед,
Ниёишкунон рафту дил пурумед. 1 2 3 4 5 6 7 >>> |