|
Ҷилди I: ТАҲМУРАС
Ҳама рӯз баста зи хӯрдан ду лаб,
Ба пеши ҷаҳондор барпой шаб.
Ҳамон бар дили ҳар касе буда дӯст,
Намози шабу рӯза оини ӯст.
Сари моя буд ахтари шоҳро
В-аз ӯ банд буд ҷони бадхоҳро.
Ҳама роҳи некӣ намудӣ ба шоҳ,
Ҳам аз ростӣ хостӣ пойгоҳ,
Чунон шоҳ полуда гашт аз бадӣ,
Ки тобид з-ӯ фарраи эзадӣ .
Бирафт, Аҳриманро ба афсун бибаст,
Чу бар тезрав борагӣ барнишаст.
Замон то замон зин-ш барсохтӣ,
Ҳаме гирди гетиш бартохтӣ. 1 2 3 4 5 6 7 >>> |