|
Ҷилди I: ҶАМШЕД
Ҳар он-ч аз гил омад, чу бишнохтанд,
Сабук хиштро колбад сохтанд.
Ба сангу ба гаҷ дев девор кард,
Нахуст аз бараш ҳандасӣ кор кард.
Чу гармобаву кохҳои баланд,
Чу айвон, ки бошад паноҳ аз газанд.
Зи хоро гуҳар ҷуст як рӯзгор,
Ҳаме кард з-ӯ равшанӣ хостор.
Ба чанг омадаш чанд гуна гуҳар
Чу ёқуту беҷодаву симу зар.
Зи хоро ба афсун бурун оварид,
Шуд он бандҳоро саросар калид.
Дигар бӯйҳоро хуш овард боз,
Ки доранд мардум ба рӯяш ниёз.
Чу бону чу кофуру чун мушки ноб, 1 2 3 4 5 6 7 8 9 10 11 12 >>> |