|
Ҷилди I: ҶАМШЕД
Ҳама мӯбадон сар фиканда нагун,
Чаро, кас наёраст гуфтан, на чун.
Чу ин гуфта шуд, фарри Яздон аз ӯй
Гусисту ҷаҳон шуд пур аз гуфтугӯй.
Ҳар он кас зи даргоҳ баргошт рӯй,
Намондӣ ба пешаш яке номҷӯй.
Севу бист сол аз дари боргоҳ
Пароканда гаштанд яксар сипоҳ.
Манӣ чун бипайваст бо кирдгор,
Шикаст андароварду баргашт кор.
Чӣ гуфт он сухангӯи бофарру ҳуш,
Чу хусрав шавӣ, бандагиро бикӯш!
Ба Яздон ҳар он кас, ки шуд носипос,
Ба дил-ш - андар ояд зи ҳар сӯ ҳарос.
Ба Ҷамшед-бар тирагун гашт рӯз, 1 2 3 4 5 6 7 8 9 10 11 12 >>> |