|
Ҷилди I: ЗАҲҲОК
Ду покиза аз кишвари подшо,
Ду марди гаронмояи порсо,
Яке номаш Армоили покдин,
Дигар ном Кармоили пешбин.
Чунон буд, ки буданд рӯзе ба ҳам,
Сухан рафт ҳар гуна аз бешу кам.
Зи бедодгар шоҳу аз лашкараш,
В-аз он расмҳои бад андарх(в)араш.
Яке гуфт: «Моро ба холигарӣ
Бибояд бари шоҳ рафтоварӣ.
В-аз он пас яке чорае сохтан,
Зи ҳар гуна андеша андохтан.
Магар з-ин ду танро, ки резанд хун,
Якеро тавон оваридан бурун».
1 2 3 4 5 6 >>> |