|
Ҷилди I: ОМАДАНИ ЗОЛ БА НАЗДИ МЕҲРОБИ КОБУЛӢ
Чу Дастони Сом аз пасаш бингарид,
Ситудаш фаровон, чунон чун сазид.
Бар ӯ ҳеч кас чашм нагмоштанд,
Мар ӯро зи девонагон доштанд.
Аз он к-ӯ на ҳамдину ҳамроҳ буд,
Забон аз ситудан-ш кӯтоҳ буд.
Чу равшан дили паҳлавонро бад-ӯй
Чунон гарм диданд бо гуфтугӯй,
Мар ӯро ситуданд як-як меҳон,
Бузургону номоварони ҷаҳон.
Зи болову дидору оҳистагӣ,
Зи боистагӣ, ҳам зи шоистагӣ.
Дили Зол якбора девона гашт,
Хирад дур шуд, ишқ фарзона гашт. 1 2 3 4 5 6 7 8 9 >>> |