|
Ҷилди I: РОЙ ЗАДАНИ РӮДОБА БО КАНИЗАКОН
Фиристанду наздики ховархудой.
Туро худ ба дида - дарун шарм нест,
Падарро ба назди ту озарм нест,
Ки онро, ки андозад аз бар падар,
Ту хоҳӣ, ки ӯро бигирӣ ба бар,
Ки парвардаи мурғ бошад ба кӯҳ,
Нишонӣ шуда дар миёни гурӯҳ.
Кас аз модарон пир ҳаргиз назод,
В-аз он кас, ки зояд, набошад нажод.
Чунин сурх ду буссаду мушк мӯй,
Шигифтӣ бувад, гар бувад пирҷӯй.
Ҷаҳоне саросар пур аз меҳри туст,
Ба айвонҳо сурати чеҳри туст.
Туро бо чунин рӯю болою мӯй,
Зи чархи чаҳорум хур ояд-т шӯй». 1 2 3 4 5 6 7 8 9 10 >>> |