|
Ҷилди I: РОЙ ЗАДАНИ РӮДОБА БО КАНИЗАКОН
Парастанда огаҳ шуд аз рози ӯй,
Чу бишнид дилхаста овози ӯй,
Ба овоз гуфтанд: «Мо бандаем,
Ба дил меҳрубону парастандаем.
Нигаҳ кун кунун, то чӣ фармон диҳӣ,
Наёяд зи фармони ту ҷуз беҳӣ».
Яке гуфт з-эшон, ки «Эй сарвбун,
Нигар, то надонад касе ин сухун.
Чу мо сад ҳазорон фидои ту бод!
Хирад з-офариниш равои ту бод!
Агар ҷодуӣ бояд омӯхтан,
Ба банду фусун чашмҳо дӯхтан,
Бипаррем, то мурғи ҷоду шавем,
Бипӯем, дар чора оҳу шавем, 1 2 3 4 5 6 7 8 9 10 >>> |