|
Ҷилди I: РАФТАНИ КАНИЗАКОНИ РӮДОБА
БА ДИДАНИ ЗОЛИ ЗАР
Диловар чу парҳез ҷӯяд зи ҷуфт,
Бимонад ба осонӣ андар нуҳуфт.
Бидон то-ш духтар набошад зи бун,
Набояд шунидан-ш нанги сухун.
Чунин гуфт мар ҷуфтро бози нар,
Чу бар хоя биншасту густард пар,
К-«Аз ин хоя гар моя берун кунӣ,
Зи пушти падар хоя берун кунӣ.»
Аз эшон чу баргашт хандон ғулом,
Бипурсид аз ӯ номвар пури Сом.
Ки «Бо ту чӣ гуфт он, ки хандон шудӣ,
Кушодалабу симдандон шудӣ?».
Бигуфт, он чи бишнид, бо паҳлавон,
Зи шодӣ дили паҳлавон шуд ҷавон.
Чунин гуфт бо ридаки моҳрӯй,
1 2 3 4 5 6 7 8 9 10 11 12 13 >>> |
