|
Ҷилди I: РАФТАНИ КАНИЗАКОНИ РӮДОБА
БА ДИДАНИ ЗОЛИ ЗАР
Ки бикшод аз он гуна тир аз камон,
Чӣ санҷад ба пеш - андараш бадгумон?
Надидем зебандатар з-ин савор,
Ба тиру камон - бар чунин комгор».
Парирӯй дандон ба лаб барниҳод,
«Макун,-гуфт,-з-ин гуна бар шоҳ ёд.
Шаҳи Нимрӯз аст, фарзанди Сом,
Ки Дастон-ш хонанд шоҳон ба ном,
Нагардад фалак бар чун ӯ як савор,
Замона набинад чун ӯ номдор».
Парастанда бо ридаки моҳрӯй
Бихандиду гуфташ, ки «Чунин магӯй,
Ки моҳест Меҳробро дар сарой,
Ба як сар зи шоҳи ту бартар ба пой.
1 2 3 4 5 6 7 8 9 10 11 12 13 >>> |
