|
Ҷилди I: БОЗГАШТАНИ КАНИЗАКОН БА НАЗДИ РӮДОБА
Нигаҳбони дар гуфт, к-«Имрӯз кор
Набояд гирифтан бад-он ҳам шумор,
Ки Золи сипаҳбад ба Кобул набуд,
Замин пур зи хиргоҳу лашкар намуд.
Набинед, к-аз кох Кобулхудой
Ба зин андарорад ба шабгир пой.
Ҳама рӯзаш омад - шудан пеши ӯст,
Ки ҳастанд бо якдигар сахт дӯст.
Агартон бубинад чунин гул ба даст,
Кунад бар замин-тон ҳамон гоҳ паст».
Шуданд андар айвон бутони тироз,
Нишастанду бо моҳ гуфтанд роз,
Ки ҳаргиз надидем з-ин гуна шед,
Рухи ҳамчу гул, рӯю мӯяш сапед.
1 2 3 4 5 6 >>> |